太撚忙，未得閒寫成一篇文，所以學老蕭整個「六四晚會八問」等大家揀下ABC XD；如果真係有人咁痴線走去填呢份野，不排除我會忍唔住批改 :D
六四晚會選擇題：
1. 你認為出席六四晚會的人，何者佔多數？
A. 悼念死難者
B. 建立民主中國
2. 你同人講，唔去六四係因為：
A. 純粹些呀，FB精神
B. 希望同多D人分享同討論點解唔去六四既原因
C. 覺得唔去好威，特立獨行
D. 唔抵得D人周圍同人講今年會去六四以為自己好撚威，話番比佢聽有人係會唔去既
3. 關於出席六四晚會，你認為A、B兩組何者佔多數？C、D兩組何者佔多數？
A. 自己唔出席兼反對人地出席
B. 自己唔出席但唔反對人地出席
C. 自己出席但唔反對人地唔出席
D. 自己出席兼反對人地反對人地唔出席
4. 你唔去任何悼念六四活動既原因係：
A. 響屋企悼念慳番D車錢
B. 支聯會爭取廿年平反六四徒勞無功，目前又不見得其他小規模運動有效，不想浪費時間
C. 同情死難者家屬，但不認為參與集會對改善他們的景況有任何幫助
D. 平反六四根本對中國民主發展無任何幫助，變成口頭上平反，實際上維穩的機會更大
5. 以下呢幾項你有邊幾項係不能接受：
A. 愛中國不愛共產黨
B. 愛中國人但唔愛中國
C. 攞特區護照但唔承認自己係中國人 ，又無錢學人移民
D. 連續居港滿七年、拿香港身份證、特區護照的非華人香港人對六四表示無感覺
6. 你認為那個說法合理(可選多項)：
A. 咁唔滿意共產黨就唔該移民
B. 唔承認中共政權唔該燒左本特區護照佢
C. 唔愛國唔該唔好話自己係香港人
D. 唔承認自己係中國人唔該剪左張身份證佢 ，唔承認國民黨執政有合法性、唔認為自己係中國人既本省人／台獨份子唔該燒左中華民國護照佢
7. 你認為那種說法代表你的心聲(可選多項)：
A. 因為六四事件是在中國發生的，香港和中國在地理上、民族文化上也是相連的，，因此任何悼念和抗議形式都不能和中國切割
B. 因為愛國愛民乃是香港精神，所以不愛中國的人自然就沒有香港精神了
C. 身為中國人，對於悼念六四的標準和外國人是不一樣的，要求更高
D. 中國沒有民主，台灣香港也不會有民主，所以現在台灣的是假民主.
8. 六四還剩下甚麼價值(可選多項)：
A. 繼續爭取中國民主直到永遠
B. 認清歷史真相
C. 灌輸愛國情操
D. 培養良好感覺
Search